先祝大家羊年進步, 事事如意.
有朋友曾勸我不要在博說太多的感受. 由Silver Pocket Club 轉至Wise Up Asia Limited 後, 我亦只集中在介紹銀幣. 而我亦無睇過網上有關金銀幣的論壇或網頁，可能 out out 地。
早排休息了一段時間, 介紹銀幣也放慢下來. 我在思想 Wise Up 的方向, 亦同樣在思考自己的投資方向.
我自己的投資, 儲金銀幣, 投入的確有一定數目, 但佔的比重不是重點, 主力是投資物業,租金收入, 基金, 股票與期貨. 這些部份一直都運作得唔錯, 唯獨是儲金銀幣, 我是虧損的.
經過思考, 我在上年年尾開始, 大幅增加了股票及基金的比重, 一個長線的投資, 要買在低位, 2015年我選了兩項低位投資項目做主力. 1 . 看好油價. 在剛過10蚊時買入883中海油. 2. 看好俄罹斯股市, 買入俄羅斯基金. 相信這兩樣的投資, 已經見底, 亦好好彩, 兩項都在我買入後真的見底回升, 相信我可在2015年放心持有.
而儲金銀是一個長線投資, 所以即使一直虧損, 我仍間斷的買入投資幣收藏.
Wise Up 成立超過一年, 當中我曾多次考慮是否繼續做, 而Wise Up 賣的是紀念幣, 在經營時我未能解開心中的結.
我一直疑問, 為何大家會買入紀念幣的呢. 小至兩三百, 多至一千, 甚至現在出的幣愈來愈貴, 二三千元以上. 如果我有1100元, 我會去買一隻2015的十份一安士熊貓金幣, 要變回金錢, 相對容易吧. 我以前的想法是, 如果你入紀念幣, 是為了想高價賣出, 轉售圖利, 我勸你是打消念頭. 當過了一段年日, 可能手上有一些紀念幣, 但想換回錢嗎, 我估一個個人銀幣收藏者, 該幣只有一枚起兩枚，俾到你至多，咪三枚止, 如果放在ebay上賣, 基本上是浪費時間.
但做呢一年, 來交收的朋友都給我另一個想法. 他們買回來, 就是純粹個人收藏, 是興趣. 這與收藏珠寶手表等差唔多, 想擁有, 但銀幣更是付擔得到的消費及收藏品.
這間店, 我一直帶點天真的想法, 坊間的幣店, 愈賣愈貴, 我自已是可以攞到幣的, 自然是知道成本價. 天真的去想, 我要用成本價去經營, , 因為既然銀幣係Ｄ未能再生產價值的物品，即係消費品，我好希望可以賣平Ｄ
而我諗住只要維持到交租, 並支付有限公司的各樣核數財務費用, 只要夠圍本, 我就可以繼續做落去. 但結果過了一年, 好坦白說, 我只能勉強做到收支平衡. 作為一個投資, 所花時間心力換來的回報, 直接的說, 是一項失敗的投資.
但是交收的朋友回應, 我做的正是在市場上提供多一個購物點. 而由始至終, 既然都唔係諗住當一門生意去營運, 為何咁介懷成果.
前面我仍未清楚我會唔會繼續做, 容我白痴一下, 如果大家覺得 Wise Up 的存在是有意義的, 我以下會介紹一堆銀幣. 如果我同市面的售價相約, 而你又對該幣有興趣想買, 又想用行動支持我繼續做落去, 幫我訂吧. 我咁樣講唔係求大家俾生意我, 講真賺到的錢唔係多, 而係我真係唔太清楚應唔應該做落去. 我需要實際上的支持.
今期介紹的銀幣, 我會在另一個博出.
有朋友交收時, 叫我用facebook 增加互動, 亦方便介紹新出產品, 你地覺得如何? 我唔可以時常上電腦，我有正職，絕對無時間可以日間上facebook 吹水。但我亦覺得facebook對新幣介紹都係一個好方法。之前都有試用，但反應一般。又或者電郵一下你的想法. wiseupasia@gmail.com
旺旺
1/3/2015
